Теша Салоҳов, муаллиф ва хонандаи фаъоли газетаи мардумӣ аз ш.Ваҳдат бо идора тамос гирифта (тел: 904461148), гуфт, ки чаро нархи сӯзишворӣ, хосса гази моеъ танзим намешавад?
– Бубинед, ҳафтаҳои ахир нархи гази моеъ бесобиқа боло рафта истодааст. Агар соли гузашта дар ҳамин вақт 1 балони 20 килоиро бо 80 сомонӣ пур мекардем, ҳоло ин нарх то 160 – 180 сомонӣ баромадааст. Ин ҳам дар ҳолест, ки дар кишвар меъёри истифодаи нерӯи барқ эълон шудаву барқ ба сокинон танҳо субҳу шом дода мешаваду халос. Чаро давлат ин омилҳоро ба инобат намегирад? Вақте нархи маводи сӯхт гарон аст, пас бояд меъёри истифодаи қувваи барқ низ бардошта шавад, ё не?
