Саймурод Носиров, сокини ш. Кӯлоб бо редаксия тамос гирифта (тел: 907709393), аз болоравии нарху навои сабзаҷот, хусусан гашнизу боимҷон изҳори нигаронӣ кард.
– Нарху навои маҳсулотҳои хӯрока, махсусан маҳсулоти ниёзи аввалия ҳангоми роҳандозии ярмаркаҳо поён мераваду дигар вақт миёни одами камбағалро мешиканад. Ҳамаи инҳо дарди ба хайр. Болоравии нархи гашничу укроб ҳам то ҷое эҳсос мегардад. Ҳоло, ки фасли сармост ин ҳама сабзавот дар гармхонаҳо парвариш меёбад. Шумораи гармхонаҳо зиёд шудааст, аммо маҳсулоти полезӣ бо дору парвариш ёфта истодааст. Бо дору, ки нашъунамо ёфт, бо изофаи нуриҳои табиӣ ба саломатӣ заҳр мешавад. Ҳайронам, ки ин қадар гармхона зиёд шудааст, пас чаро нарх гарон мегардад?
