Абубакр Асомиддинзода, сокини ш.Бохтар бо идора тамос гирифта, пешниҳод намуд, ки дар мактабҳои таҳсилоти умумии ҷумҳурӣ фанҳои санъати мусиқӣ, санъати тасвирӣ, тарбияи ҷисмонӣ ва таълими меҳнат ба дарсҳои иловагӣ табдил дода шаванд.
– Хонандагони мактабҳои мо тӯли 11 сол чаласавод хоҳанд монд. Бояд ин фанҳои номбаршударо мутахассисон бевосита ба қисми дарсҳои иловагӣ гузаронанд. Зеро маҳз бо омӯхтани ин дарсҳои таълимӣ дар кӯдак эҳсос, идрок, диди наверо дар инкишофи ташаккули фардӣ метавон ворид сохт. Баъдан дар аксарияти мактабҳои ҷумҳурӣ ин фанҳои таълимии номбаршуда ба муаллимони камсоат ҳамчун изофӣ дода шавад. Ба ақидаи ман умуман соатҳои дарсии таълимии мактабҳо аз нав бояд дида шаванд.
